Mga Mungkahing Hakbang sa Pagsulat ng Kritisismo/kritika (Hindi kailangang sundan ang pagkasunod-sunod)

1. Isulat ang pamagat ng tula/kuwento/dula at ang sumulat nito.

2. Sabihin kung tungkol saan ang akda (paksa, tema, o kaalaman)

            (Maaaring magbigay elaborasyon tungkol sa paksa)

3. Kilalanin kung kanino ang akda o sino ang nagsasalita sa akda.

4. Talakayin ang akda sa pamamagitan ng paghimay-himay ng mga bahagi nito:

            a. tauhan

            b. tagpuan (lugar at panahon)

            c. banghay (pagkasunod-sunod ng pangyayari)

            c. mga talinghaga a simbolo

5. Sumipi ng mga salita o taludtod para patunayan ang mga puntong inilalahad.

6. Sumipi ng mga sinabi o sinulat ng ibang tao tungkol sa paksa; gumamit ng citation (hal. [dela Cruz 2014, 7])

7. Maaaring ipaliwanag ang sipi (quotation) bago o pagkatapos itong sipiin.

8. Balikan ang natutunang iba pang uri ng pagbasa (histo-sosyolohikal, kultural, at estetika) at piliin ang angkop na pagbasang gagamitin.

9. Magbigay ng panapos na paghuhusga sa halaga ng akda sa sining at lipunan kung saan ito nagmula, gayundin sa iba pang komunidad.

10. Ilagay ang mga sinangguni.  Gamitin ang ganitong format:

            Dela Cruz, John. 2014. Pagsulat ng Kritisismo/Kritika. Iloilo City: UP Press.